Капитенот на Челзи, Џон Тери ќе стане најплатениот англиски фудбалер откако се согласи да потпише нов петгодишен договор со "сините", според кој ќе заработува 8 милиони фунти годишно односно 160.000 фунти неделно.

Тери (28) реши да остане верен на клубот од Стемфорд Бриџ, па во наредните пет години ќе заработи вкупно 41 милиони фунти.

Сопственикот на Челзи, Роман Абрамович се согласи на зголемување на платата на англискиот репрезентативец откако Манчестер Сити во летниот период се обиде да потпише со него.

Арапските сопственици на "граѓаните" беа подготвени да му понудат годишна плата од 10 милиони фунти на Тери, кој пак според новиот договор ќе заработува за 30.000 фунти повеќе од досегашната неделна плата.

Со тоа тој ќе го надмине Френк Лампард, кој досега беше најплатен играч во клубот со 150.000 фунти неделно.

Извор:СпортДенес