Во своето интервју за fcinternews, Ганц со пофални зборови ја опишува екипата на Жозе Мурињо:

Ганц, Милан - Интер 4:0. Коментар?

Милан беше подобар на почетокот. Потоа нешто се промени. Интер почна повеќе да работи со топката, да маневрираат во простор, да маркираат...

И тогаш падна гол.

Не само тоа. И играта беше прекрасна.

На што се должи тоа?

На заминувањето на Ибрахимович. Порано се играше само со долги топки кон швеѓанецот. Сега е поинаку, со Ето и Милито е сосема друга приказна.

Други играчи?

Тиаго Мота: трча, маркира, додава, создава акции... Одличен фудбалер.

А Снајдер?

Ми се допаѓа. Играч кој му требаше на Интер: одличен карактер, талентиран, знае како да одигра помеѓу средината и нападот. Може да биде решавачки и смртоносен.

Се изненади кога го виде на теренот?

Не, воопшто. Тој е сепак играч кој дојде од Реал Мадрид. На некои играчи не им треба прилагодување, тие веднаш го покажуваат знаењето.

Ова можеби беше суштинско дерби за шампионатот?

Прерано е да се каже. Но ако Интер продолжи да игра вака, за брзо време нема да биде интересно повеќе.

Морати вели дека ова му е најсилниот Интер.

Во право е, се согласувам.

Може ли да се подобри овој тим?

Да, со Пандев: Играв со него во Анкона во 2004/05. Голем играч, одличен, на теренот се му е јасно, како да го спроведе она што го бара тренерот и да создава акции. Такви играчи се секогаш потребни.

Која треба да биде крајната цел на Интер?

Да освои се.