Ѕвездата на ултра популарната серија „Friends“, Џенифер Анистон би сакала бандата да се обедини уште еднаш за да снимат филм, исто како што тоа го направија нивните колешки од “Sex and the City“.

Поминаа 5 години од крајот на последната епизода на „Friends“ и уште тогаш се зборуваше за можно снимање на филм, а фановите цело време се во очекување да видат дали Рејчел и Рос останале заедно по толку време.

Анистон вели дека не е сигурна дека ова ќе се случи, но им порача на продуцентите дека ако сакаат да се случи тоа треба да биде сега, а не кога „пријателите ќе бидат на геријатрија“.

„Не би сакала да бидеме како “Brady Bunch“ кои се собраа повторно кога беа стари“ - изјави Анистон.

Инаку таа е во очекување на премиерата на нејзиниот нов филм „Management“ во кој настапува заедно со Steve Zahn, кој гостуваше во една епизода на „Пријатели“ како сопругот на Фиби Буфе. Самиот тој изјави дека е неверојатно што луѓето и ден денес го паметат најмногу по таа епизода.

„На улица ми викаат: Еј, те знаеме, ти си сопругот на Фиби. Неверојатно е, затоа што тоа беа само три дена во мојот живот“